Ish-kryetarja e Kuvendit, Jozefina Topalli ka pasur dje ditëlindjen e saj, ndërsa është surprizuar nga një grup të rinjsh në një nga lokalet e qytetit verilindor. Edhe pse jashtë Kuvendit, Topalli mbetet një zë i rëndësishëm sa herë që zgjedh të flasë.
Në atë që është shprehur Topalli thotë se ndjek nga afër të gjitha zhvillimet dhe thotë se Kuvendi është kthyer në një teatër gati të neveritshëm.
“Kam ndal hapin për arsye të zhvillimeve që dihen, por nuk jam fare indiferente ndaj politikës. E ndjek çdo minutë, 24 në 24 orë.
Ndoshta di më shumë për shkak të pozicioneve që kam pasur dhe e kuptoj edhe më mirë se çfarë po ndodh. Ajo që bën të rebelohem brenda vetes është se unë dyshoj shumë se ata janë të gjithë bashkë dhe në Parlament luajnë një teatër gati të neveritshëm.
Sigurisht që më mungon foltorja dhe jo ajo fitore që është sot në Parlament. Ndoshta kjo do të thotë që jam më mirë jashtë atij parlamenti. Kjo nuk do të thotë se unë jam tërhequr nga politika”, është shprehur Topalli.
(E.K/Faxweb)
Discussion about this post