Me urgjencë fadromat e IKMT-së kanë nisur punën mëngjesin e sotëm për pishjen e banesave në zonën e Shkozës. 153 shtëpi pritet të shemben edhe pse nga deputetja e zonës Elona Gjebrea iu kishte premtuar krejt të kundërtën.
Policë të armatosur deri në grykë, ndërsa një pjesë e familjarëve janë ngujuar në banesat e tyre. Shumë shprehen të frikësuar, ndërsa qeveria bën lëvizjen e rradhës.
Ndërsa të gjithëve na rrënqethen të qarat e vogëlushit që protestonte kundër marrjes së prindërve të tij nga ana e Policisë, gjyshja e të voglit na ka tronditur edhe sot. Ajo ka çarë gardhin e policëve që ishin vendosur në hyrje të lagjes dhe është nisur me vrap në drejtim të banesës të saj.
Pak ditë më parë deputetja e zonës Elona Gjebrea u kishte premtuar banorëve se do tu jepnin kohë dhe një grup ndërinstitucional do të bënte të mundur arritjen e një marrëveshje me ta.
Mesa duket edhe deputetja e re e Kuvendit është përfshirë nga ‘’standardi” i politikës, zgjidhje sa për të bërë bujë në media, dhe pastaj banorët të lihen në mëshirë të fatit.
(E.K/SHUPLAKA)
Discussion about this post