Ai është qëlluar me armë zjarri në zonën e gjoksit, ndërsa është transportuar me urgjencë në një spital privat në Tiranë, ku paraprakisht mësohet se ndodhet në gjendje kritike për jetën.
Nuk dihen ende shkaqet dhe autorët që kanë qëlluar me armë zjarri 24 vjeçarin. Forca policie kanë mbërritur në vendngjarje dhe kanë nisur hetimet.
Më datë 13.03.2017, rreth orës 21:05, në një spital privat ka shkuar i plagosur me armë zjarri shtetasi D. Ç., 24 vjeç, banues në Bathore, i cili është dërguar në spital nga familjarët e tij. Nga hetimet paraprake të kryera ka rezultuar se ngjarja ka ndodhur në banesën e këtij shtetasi dhe nga deklarimet paraprake është mësuar se D. Ç., ka tentuar të kryejë vetvrasje.
Grupi hetimor po punon për verifikimin e plotë të rrethanave të ngjarjes dhe për grumbullimin e të dhënave dhe motivin pse donte ta kryente këtë akt vetflijimi. (M.D/ Shuplaka)
Discussion about this post