Fax News informon se Policia e Gjirokastrës ka kapur një shtetas të shpallur në kërkim për prodhim dhe shitje të narkotikëve.
I arrestuari ditën e sotme, është shtetasi me inicialet B.B nga Tepelena dhe ai akuzohej për implikim në sekuestrimin e 1.4 tonëve kanabis në Kavajë, në korrikun e vitit 2017.
Ai u ndalua në flagrancë në një lokal në qytetin e Tepelenës.
Ndërkohë që bëhet me dije se në një tjetër operacion antidroge në fshatin Dukaj të Tepelenës janë sekuestruar 300 kg kanabis.
Sasia e drogës është gjetur në banesën e shtetasit me iniciale D.K.
Mësohet se gjysma e sasisë së lëndës narkotike ishte e paketuar ndërsa pjesa tjetër në fazë përpunimi.
(E.L/Faxweb)
Discussion about this post