Tërmeti i fuqishëm që përfshiu ishullin grek Kos dhe brigjet turke të Bodrumit ka shkaktuar shumë dëme dhe të plagosur.
Sipas “Top Channel” mes të plagosurve është dhe një shqiptar, jashtë rrezikut për jetën.
Shtetasi shqiptar është nga Flogji i Korçës.
Ai quhet Aldo Begolli. I plagosuri është dërguar në spitalin e ishullit me dëmtime në mes. Aldo Begolli është operuar dhe po merr mjekim në spital. Ai ndodhet jashtë rrezikut për jetën.
Ambasada Shqiptare në Athinë është interesuar dhe ka vënë në dispozicon të familjes Begolli çdo ndihmë që do të jetë e nevojshme.
(B.H/Shuplaka)
