Kryetari i Partisë Demokratike Shqiptare në Maqedoni, Menduh Thaçi ka marrë përsipër përgjegjësitë për humbjen e mandateve në zgjedhje nga Partia e tij. PDSH-ja arriti të siguronte në zgjedhjet parlamentare të ditës së djeshme vetëm dy mandate deputetësh. Ndërkohë Thaçi shprehu gëzim për hubjen e mandateve nga Partia e Ahmetit.
“Përgjegjësinë për rezultatin e keq të PDSH-së në zgjedhjet e marr plotësisht si kryetar i partisë dhe nga zemra u falenderohem të gjithë aktivistëve që e bënë të pamundurën”- tha ai. Sipas tij, ka një fitore shumë të madhe, pasi përfundimisht BDI i humbi në mënyrë katastrofale zgjedhjet te shqiptarët. “Fitues në këto zgjedhje janë Lëvizja Besa dhe RDK që janë në koalicion. Sinqerisht u uroj dhe u them se e kanë mbështetjen nga PDSH. Votat tona dhe deputetët tanë do t’i mbështesin pa kurrfarë kushtesh”- tha Thaçi.
