Vizita e kryeministrit Rama në Gjermani në një moment që Shqipëria pret të marrë sinjale pozitive për çeljen e negociatave me BE-në është pasqyruar gjerësisht në median shqiptare dhe jo vetëm. Në një kohë që Europa po bëhet e më dyshuese përsa I përket zgjerimit, rriten edhe kriteret për vendet që synojnë të bëhen pjesë.
Në një shkrim të prestigjozes ‘’The Huffington Post’’ me titullin ‘’Gjermania dhe Shqipëria të bashkuara nëpërmjet marrëdhënieve të ngushta miqësore’’, nga Christian Zimmermann vlerësohet fakti i bashkëpunimit mes vendeve dhe progresit që Shqipëria ka bërë në këto vitet e fundit.
‘’Në takimin e përbashkët fokus ishte marrëdhënia dypalëshe, çështjet rajonale si dhe situate aktuale e pranimit të Shqipërisë në Bashkimin Europian’’, thuhet ndër të tjera në artikull.
‘’Pas përmbylljes me sukses të Reformës në Drejtësi, çelës për hapjen e negociatave, Shqipëria anëtare e NATO-s dhe kandiodate për anëtarësimin në BE shpreson për një përshpejtim të proçesit të Integrimit Europian. Atmosfera në vend është e mirë falë edhe kountributit të Kryeministrit Rama. Kancelarja Merkel çmoi më shumë përpjekjet për reforma dhe premtoi më shumë ndihmë nga pala gjermane’’, vazhdon artikulli.
Discussion about this post