Në prag të festës së Pashkëve, drejtuesit e kishës katolike dhe asaj ortodokse kanë uruar të gjithë besimtarët e krishterë, por nuk kanë hezituar t’u bëjnë thirrje për paqe edhe politikanëve.
Arqipeshkvi i dioqezës Tiranë-Durrës imzot Gjergj Frendo, duke qenë se këtë vit festa e Pashkëve po festohet në një vit zgjedhor, u ka bërë apel politikanë të ulen në dialog për t’i dhënë zgjidhje ngërcit politik.
“Në emrin e Krishtit dëshiroj tu komunikoj të gjithë politikanëve sot se rruga për zgjidhjen e krizës së tanishme qëndron vetëm në dialogun, në veçoritë e dialogut gjatë të cilit të dyja palët lypset jo vetëm të flasin por edhe të dëgjojnë me përgjegjësi dhe pjekuri të plotë për të finalizuar më shumë të mirën e kombit sesa të mirën e partisë.”, shprehet imzot Frendo.
Ndërkohë, edhe kryepiskopi Anastas Janullatus ka bërë urimet e tij për festën e Pashkëve, e cila për të krishterët simbolizon ardhjen e Jezu Krishtit në jetë.
“Le ta jetojmë çdo ditë me ngazëllimin paskal i cili nuk e injoron realitetin e ashpër të jetës, por e tejkalon dhe e transformon në hirin dhe fuqin e Krishtit.”, shprehet Janullatus.
Një ditë më parë ambasada amerikane bëri thirrje që të tregohej kujdes ditën e Pashkëve, pasi kishte paralajmërime për sulme terroriste. (D.D/Shuplaka)
Discussion about this post