Protesta e studentëve po gjen mbështetje gjithnjë e më të madhe nga shqiptarët. Së fundi edhe ‘Tifozët kuq e zi’ janë deklaruar në mbështetje të studentëve.
Përmes një postimi në Facebook ‘TKZ’ bën me dije se kanë mbështetur me mendje e zemër kauzën e studentëve dhe prandaj sot në orën 16:00 kanë vendosur t’i bashkohen protestës së studentëve.
“Tifozat Kuq e Zi nga të gjitha trojet etnike, kanë mbështetur me mendje e zemër kauzën e studentëve.
Prandaj, sonte nga ora 16.00 bashkohemi edhe fizikisht me studentët protestues ne mbështetje të kërkesave të tyre.
Bashkohu edhe ti!”, thuhet në njoftimin e tyre.
Kujtojmë se studentët kanë paralajmëruar se do ta zhvendosin protestën tek kryeministria nëse deri atëherë nuk janë plotësuar kërkesat e tyre. (B.H/Faxweb)
