Një ngjarje e rëndë ka ndodhur ditën e sotme në Shkodër, ku dy fëmijë që po laheshin në ujërat e liqenit të këtij qyteti, janë mbytur.
Dy fëmijët ishin të moshës 13 dhe 15-vjeçare dhe ishin kushërinj. Ngjarja e rëndë ka ndodhur në vendin e quajtur Grilë, të Malësisë së madhe. Dy fëmijët sëbashku me 5 të tjerë po lundronin me varkë, mirëpo në një moment ata janë hedhur në ujërat e liqenit. Të njëjtën gjë kanë bërë edhe 5 të tjerët, mirëpo më pas dallgët kanë marrë varkën me vete.
Në varkë kanë qenë 7 persona, të moshave nga 13 deri në 18.
DETAJET E POLICISË
Me datë 17.08.2017, rreth orës 16:00, ka ardhur një telefonatë në Sallën Operative të Komisariatit të Policisë Malësi e Madhe se në Liqenin e Shkodrës, në vendin quajtur Grilë, territor i Malësisë së Madhe, janë mbytur në liqen dy fëmijë.
Menjëherë ka shkuar shërbimet e policisë në vendngjarje ku ka rezultuar se ishin mbytur shtetasit E. T.,13 vjeç dhe S. T. 15 vjeç, banues në fshatin Gruemirë. (Kushërinj me njëri tjetrin,)
Nga informacionet paraprake mesohet se 7 shtetas ishin futur në liqen ku kishin hipur në një varkë të vogël dhe kur kanë arritur në thellësi janë hedhur në ujë për t’u larë.
Varkën e ka marrë rrjedha e liqenit, ku 5 shtetas kanë mundur të dalin në breg të liqenit ndërsa dy shtatasit e lartpërmendur janë mbytur.
Shërbimet e Policisë së bashku me disa banorë të fshatit rreth orës 17.45 kanë bërë të mundur nxjerrjen e trupave të pajetë nga liqeni.
Grupi hetimor po vijon punën për zbardhjen e plotë të rrethanave të ngjarjes. (D.D/Shuplaka)
