Tronditëse/ Tenton të mbysë dy vajzat e saj binjake në lumë dhe djeg banesën, arrestohet 42-vjeçarja në Fier (DETAJET)

Policia ka arrestuar një 42-vjeçare në Fier pasi ka tentuar të mbysë 2 vajzat e saj të mitura si dhe ka djegur banesën e bashkëjetuesit të saj.

Ngjarja e rëndë ka ndodhur në fshatin Grecalli. Rudina Kishta ka tentuar të vrasë  dy vajzat e saja të mitura binjake 6 vjeçe duke tentuar t’i mbyste  ato në ujrat e lumit Seman në afërsi të urës së fshatit Daullas, Fier.

Njoftimi i policisë:

Tenton të mbysë 2 vajzat e saj të mitura si edhe djeg banesën e bashkëjetuesit të saj, arrestohet në flagrancë nga policia.

Specialistët për Hetimin e Krimeve në Komisariatin e Policisë Fier, arrestuan në flagrancë shtetasen:

• Rudina Kishta, 42 vjeçe, banuese në fshatin Grecalli, Fier.

Arrestimi u bë pasi dyshohet se ka tentuar të vrasë  dy vajzat e saja të mitura binjake 6 vjeçe duke tentuar t’i mbyste  ato në ujrat e lumit Seman në afërsi të urës së fshatit Daullas, Fier.

Gjithashtu dyshohet se shtetasja Rudina Kishta ka djegur me zjarr banesën e bashkëjetuesit të saj në fshatin Grecalli, shtetasit A.Gj, 35 vjeç.

Materialet i kaluan Prokurorisë pranë Gjykarës së Rrethit Gjyqësor Fier për veprat penale “Vrasja për shkak të rrethanave familjare” e mbetur në tentativë dhe “Shkatërrimi i pronës me zjarr”, parashikuar nga nenet 79/c, 22 dhe 151/2 të Kodit Penal.

(B.H/Faxweb)