Trump premton të zbulojë informacione mbi ndërhyrjen e rusëve në zgjedhjet presidenciale

Një natë para ndërrimit të viteve, presidenti i zgjedhur i SHBA-së Donald Trump ka zgjedhur të flasë për sulmet kibernetike ruse.

Në një deklaratë për mediat, Trump ka premtuar se do të zbulojë informacione të rëndësishme lidhur me këtë temë.

Sipas presidentit të ardhshëm, është “e padrejtë” që Rusia të akuzohet për këto sulme.

CNN shkruan se lidhur me sulmet kibernetike, Trump zotohet se do t’i zbulojë këto informacione në ditët në vazhdim, të martën ose të mërkurën e javës së ardhshme.

“Unë mendoj se është e padrejtë nëse ata nuk i mesojnë. Dhe unë di shumë për sulmet kibernetike. Ato është shumë e vështirë të provohen. Unë gjithashtu di gjëra që njerëzit e tjerë nuk i dinë, dhe kështu që ata nuk mund të jenë të sigurt për situatën qe ka ndodhur”, shprehet Trump.

Gjatë dhjetorit, CIA ka bërë akuza të ndënda ndaj Rusisë që dyshohet të ketë kryer sulme kibernetike për të ndihmuar Trump-in të fitojë zgjedhjet presidenciale të nëntorit. (D.D/Shuplaka)