Kreu i Grupit Parlamentar të LSI Petrit Vasili ka reaguar ndaj vendosjen së TVSH-së për biznesin e vogël.
Vasili është shprehur se” vetë i bënë duart gjak e duartrokitën me të madhe kur ia hoqën TVSH-në biznesit të vogël dhe po vetë prapë i bëjnë duart gjak dhe po duartrokasin me të madhe tani që po ia vënë TVSH-në prapë”
“TVSH-ja dhe budallenjtë duatrokitës. Çudi e madhe me këta budallenjtë e çdo lloji, varieteti e gjatësie qofshin. Vetë i bënë duart gjak e duartrokitën me të madhe kur ia hoqën TVSH-në biznesit të vogël dhe po vetë prapë i bëjnë duart gjak dhe po duartrokasin me të madhe tani që po ia vënë TVSH-në prapë.”, shprehet Vasili.
Sjellim në vëmendje që Arben Ahmetaj ditën e sotme deklaroi se fokusi kundër infomalitetit është për bizneset e mëdha ndërsa për të voglat do të ketë një deklarim më të thjeshtuar.
“Vëmendje i kushton edhe investimeve të huaja duke theksuar se në rajon ne zemë 20% të investime të huaja dhe për të patur rritje ekonomike duhet të shtojmë rritjet e investimeve të huaja në prodhim kryesisht në fushat si turizëm, energji, bujqësi. Borxhi publik është nën kontroll, ka rritje të brendshme ka edhe rritje të jashtme. Ka patur ulje të borxhit dhe nuk kemi kërkuar borxh të ri. Papunësia do të zbrezë në nivele njëshifrore. Në pak ditë janë rregjistruar 1663 biznese. Rritja e kuponave është me 33%. Ne jemi fokusuar te aksioni kundër informalitetit te sipërmarrja e madhe. Për biznesin e vogël do të kemi një deklarim të thjeshtuar për çdo 3 muaj”, tha Ahmetaj. (J.V/Shuplaka)
