Pasi u akuzua disa ditë me parë për mashtrim të qytetarëve me mundësi punësimi në Gjermani, Deputeti i Nismës Socialdemokrate, Milaim Zeka është shprehur nuk e kupton aktakuzën që është ngritur ndaj tij.
Deputeti Zeka së bashku me bashkëpunëtorët Ilir Krasniqi dhe Edmond Kërliu dyshohen se kanë bërë mashtrime përmes një biznesi që reklamohej si agjenci punësimi.
Prokuroria ingarkoi Zekën, Kërliun dhe Krasniqin për mashtrim me 900 apikues për viza pune, ndërkohë ata kanë deklaruar përsëri pafajësinë.
Ndër të tjera Milaim Zeka është shprehur se “Se ni veten fajtor, as kurrë se kom kuptu as hala se kuptoj pse prokuroria ka ardhë deri te kjo ngritje e aktakuzës ”.
Prokuroria Speciale e Republikës së Kosovës, ka ngritur aktakuzë kundër të pandehurve Ilir Krasniqi, Milaim Zeka dhe Edmond Kërliu, për veprat penale mashtrimi, shmangia nga tatimi si dhe për veprën penale pastrimi i parave.
Sipas aktakuzës së Prokurorisë Speciale të pandehurit, Ilir Krasniqi dhe Milaim Zeka, që nga viti 2016 e deri në mars të vitit 2017, me qëllim të përfitimit të kundërligjshëm pasuror, fillimisht të pandehurit e lartpërmendur më 02.06.2016, kanë regjistruar biznesin, si agjensi punësimi, ku kanë paraqitur fakte të rreme për punësimin e qytetarëve të Kosovës në Gjermani, ashtu që të pandehurit Ilir Krasniqi dhe Milaim Zeka, kanë mashtruar 900 aplikues për viza pune.
Të pandehurit prokuroria i akuzon se në bashkëpunim kanë kryer veprën penale “Mashtrimi”, si dhe veprën penale “Shmangia nga tatimi”.
Gjithashtu, të pandehurit Ilir Krasniqi, Milaim Zeka dhe Edmond Kërliu, sipas prokurorisë kanë kryer veprën penale pastrimi i parave lidhur me veprat penale mashtrimi dhe shmangia nga tatimi.
Discussion about this post