Ministrja e Drejtësisë, Etilda Gjonaj ka shkarkuar live drejtorin e Hipotekës në Shkodër, Zamir Leka dhe punonjësen e arrestuar ditën e djeshme, Frida Marashi.
Kujtojmë që Leka u arrestua ditën e djeshme me akuzën e korrupsionit, së bashku me vartësen e tij. Leka bëri bujë para disa kohësh me historinë e tij të pazakontë, që nga banakier u vendos në krye të Hipotekës në Shkodër.
Ndërkaq drejtori Leka, në kundërshtim me ligjin dhe në mospërmbushje të rregullt të detyrës së tij, mbante praktika të caktuara, për të cilat më parë merrej vesh për pagimin e shumave të kundërligjshme, deri ne 5000 euro apo i mban në pritje të ofertave nga të interesuarit.
Burime i thanë Faxweb se në momentin që merrte përfitimin e kërkuar, i kalonte praktikat përkatëse tek juristët e zonave, në disa raste vetë dorazi, në disa raste të tjera nëpërmjet juristes Frida Mirashi. Kjo e fundit rezulton të ketë bashkëpunim të ngushtë me të, dhe për zonat që nuk mbuloheshin prej saj. Bëhet e ditur se Marashi “porosinë” ua kalonte specialistëve të tjerë me shënimin “Porosi e shefit”, duke kërkuar përfundimin e praktikës menjëherë.
(J.D/faxweb.al)
Discussion about this post