Dy vite më parë, këngëtarja Jonida Maliqi dhe partneri i saj, Gent Prizreni, i dhanë fund marrëdhënies së tyre 17-vjeçare nga e cila kanë edhe një djalë, Danin.
Aludimet janë se këngëtarja ka nisur edhe një lidhje të re.
Mësohet nga “Panorama.al” se Jonida ka filluar një romancë me aktorin e njohur të “Al Pazar”, Romeo Veshajn, në shoqërinë e të cilit është parë shpesh.
Madje, Romeo e ka mbështetur hapur Jonidën në profilin e tij në Instagram gjatë performancës në Eurovision, duke ftuar ndjekësit e tij të votojnë për këngëtaren.
Aludohet se çifti është njohur pasi kanë frekuentuar ambiente të njëjta, duke u afruar kështu me njëri-tjetrin. Megjithatë, pritet ende një reagim nga të dyja palët në lidhje me lajmin e marrëdhënies së tyre.
