Gazetari Artur Çani ka trajtuar sonte në emisionin “Ajsberg” praktikat korruptive të ndjekura për dy tendera, tenderin e Ujësjellësit në Bashkinë e Tiranës për blerjen e 10 autoveturave dhe dy fouristradave si dhe tenderin që është bërë në kundërshtim me rregullat e prokurimit publik për makinat anëtarëve të vettingut .
Ujësjellësi i Tiranës vetëm pak kohë më parë sipas Veliajt mori çmimin e parë në një kongres ndërkombëtar në Singaporin e lartë, por ky institucion vetëm me një tendër të vetëm ka shpenzuar 340 milione lek, sipas dokumentave që disponon ‘Ajsberg’ ky tendër është zhvilluar për blerjen e dy fouristradave dhe 10 autoveturave.
Që ujësjellësit i duhen makina, është normale, por që të blejë makina me këto parametra siç janë këto të blera nga ujësjellësi i Tiranës është e pakuptueshme.
Të gjithë automjetet e blera janë për punonjësit e administratës, ku kanë xhama të errëta e tjerë, dhe se pse i duhet një punonjësi të UKT-së makina me xhama të zinj, kjo është e vështirë të kuptohet. Në vend që këto para të shkonin për investime, shkojnë për makina luksoze për punonjësit e UKT-së.
Ndërkohë në lidhje me tenderin për makinat e anëtarëve të vettingut, bie gjithashtu era korrupsion pasi makinat janë të blerë me shkelje, në kundërshtim me rregullat e prokurorimit publik. Duket se “vettingu” ka nisur me këmbë të keqe.
Për më tepër ndiqni emisionin e plotë:
(B.H/FAXWEB)
Discussion about this post