U përplas nga makina para dy ditësh, 11-vjeçari nga Fieri ndërron jetë në në spitalin e Traumës (DETAJET)

Një 11-vjeçar me iniciale M.G i cili u përplas para dy ditësh nga një mjet tip “Skoda”   në fshatin Fermë-Çlirim të Fierit ka ndërruar jetë ditën e sotme, rreth 1 orë më parë, raporton Fax News’.

I mituri kishte marrë plagë të rënda pas përplasjes dhe u dërgua në spitalin e Traumës në Tiranë, por fatkeqësisht nuk ka mundur të mbijetojë.

NJOFTIMI I POLICISE DITËN E NGJARJES

Në datën 13.09.2018, në orën 15:10, në rrugën Fier-Seman, në fshatin Fermë Çlirim, shtetasi A.Xh, 33 vjeç, banues në Seman, duke drejtuar mjetin tip “Skoda”, ka aksidentuar shtetasin e mitur M.G, 11 vjeç, banues në fshatin Dërmënas Fier, të cilin e ka shoqëruar në Spitalin Rajonal Fier. Shtetasi i mitur u dërgua në Spitalin e Traumës Tiranë për mjekim më të specializuar.Drejtuesi i mjetit u shoqërua në Komisariatin e Policisë Fier dhe po kryhen veprimet proceduriale . Grupi hetimor po punon për zbardhjen e plotë të rrethanave të ngjarjes.

(B.H/FAXWEB)