Vajza e Namik Dokles: Çfarë më mësoi të pasurit një baba politikan

Mjekja Anika Dokle, e bija e deputetit Namik Dokle ka shkruar sot në rrjetet sociale mbi  atë çfarë i ka mësuar të paturit një baba politikan ndër vite. 

Tashmë babai i saj nuk do jetë deputet, pasi u la jashtë listave të Partisë Socialiste.

Ajo njihet për dozat e kritikave dhe ironive që ka lëshuar në drejtim të Ramës dhe disa reformave të qeverisë .

“Politika nuk ka memorie. Të dish të dalësh nga politika në kohën e duhur është privilegj i të mençurve”,-shkruan ndër rreshta Anika Dokle.

SHKRIMI:

“Çfarë me mësoi të paturit një baba politikan ndër vite?
Të ndërtosh reputacionin familjar dhe shoqëror nëpërmjet politikes është shumë e vështirë. Edhe më të kulluarin e bën “pis” politika. Politika është më e bukur kur ka garë dhe debat.

Politika bëhet me shokë dhe jo ortakë. Këta të fundit bëjnë biznes.
Çdo përpjekje për liri dhe demokraci është e vyer; me e vyera ndër to qëndresa!
Politika nuk ka memorie.
Të dish të dalësh nga politika në kohën e duhur është privilegj i të mençurve.
Dhe e fundit, mësova të jetoj mes punës dhe njerëzve të thjeshtë, pa ma ndjerë fare për politikën si privilegj!!”, shkruan Dokle.

(M.D/Shuplaka)