Kryetari i Bashkisës së Durrësit, Vangjush Dako, ka kërkuar të ndërhyjë në emisionin “Të paekspozuarit” ku i ftuar është kreu i Partisë Demokratike Lulzim Basha.
Drejtuesi i emisionit, Ylli Rakipi i dha leje Dakos të futej live në emision, por kjo gjë nuk u pranua nga Basha.
“Me Dakon bëj emision më vete. Dako të përballet me Prokurorinë, jo me mua. Bëj debat me Ramën, jo me pengun e Lulzim Berishës”, i tha Basha-Rakipit, ndërsa ky i fundit iu përgjigj se “Vangjush Dako nuk është armik i popullit, por kryetar i Bashkisë së Durrësit”.
Më pas Dako doli për disa sekonda në lidhje direkte, por regjia e ndërpreu menjëherë.
Discussion about this post