Kryetari i Lëvizjes Socialiste për Integrim, Petrit Vasili, do të zhvillojë pasditen e sotme një komunikim live me ndjekësit e tij në rrjetin social “Facebook”.
Duket se kreu i ri i LSI-së po përshtatet shumë shpejt me teknologjinë. Rreth një muaj më parë, më 20 prill, ai hapi profil në “Facebook” e gjatë këtij muaji ka qenë vazhdimisht aktiv.
Tanimë, ai është gati të komunikojë me komentuesit dhe t’u përgjigjet pyetjeve të tyre.
Bashkëbisedimi do të zhvillohet në orën 17:00 në faqen zyrtare të Lëvizjes Socialiste për Integrim, ku Petrit Vasili do u përgjigjet pyetjeve të qytetarëve.
Bëhet fjalë për programin më të ri, “LSI ka një përgjigje për ty”, ky qytetarët do mund të pyesin kandidatët e LSI, të cilët do të zgjedhin pyetje nga të gjithë shqiptarët dhe do të përgjigjen se si do të krijojnë një shans për të gjithë dhe si do të ofrojnë zgjidhje për problemet me të cilat njerëzit përballen.
(XH.A/SHUPLAKA)
