Të gjithë qytetarët që zotërojnë armë pa leje por që duan të përjashtohen nga përgjegjësia penale, kanë kohë deri më 30 prill të këtij viti për t’i dorëzuar ato.
Drejtori i Rendit Publik Gjovalin Loka, shprehet se kësaj nisme të Ministrisë së Brendshme i janë përgjigjur pozitivisht shumë qytetarë, të cilët I kanë dorëzuar vullnetarisht armët e tyre.
“Përjashtohen nga përgjegjësia penale të gjitha ata shtetas që dorëzojnë vullnetarisht armët që mbajnë pa leje në banesa apo ambjente të ndryshme. Nisma ka rezultuar e suksesshme, qytetarët kanë filluar nga dita në ditë po shtohet numri i personave që informojnë strukturat e policisë së shtetit për praninë e një armë në banesën e tyre por ka dhe nga ata qytetarë që janë drejtuar drejtëpërdrejtë në polici për ta dorëzuar këtë armë.”, thotë Loka.
Drejtori i Rendit Publik i bën thirrje qytetarëve që të nxitojnë për të përfituar nga kjo amnisti. (D.D/Shuplaka)
Discussion about this post