Erion Veliaj deklaron se çështja e këndit të lodrave tek liqeni është në OKB, ashtu sikurse ka deklaruar edhe Presidenti Bujar Nishani.
I ftuar në emisionin “Tonight Ilva Tare”, kreu I bashkisë së Tiranës u shpreh se kishte një dokumen, ku Nishani i kishte kërkuar OKB-së që ta mbante sekret.
“Kam dijeni nga OKB-ja, e cila momentalisht fatkeqësisht për Presidentin është shumë e zënë me çështjen në Siri nuk ka pasur kohë për këndin e lodrave. Përgjigja që kam pasur nga OKB-ja ka qenë që është jo serioze që Presidenti të kërkojë që dokumenti të mbetet konfidencial. Pra, Presidenti i ka kërkuar OKB-së që ta mbajë konfidenciale, ndërkohë që OKB-ja ka thënë se ne jemi institucion transparent dhe patjetër do ta vëmë në dijeni Bashkinë e Tiranës për këtë.”, është shprehur Veliaj
Sipas kryebashkiakut, OKB ka njoftuar se vetëm kur të jenë ezauruar të gjitha shkallët e gjykimit të pretendimeve të Presidentit në gjykatat shqiptare, vetëm atëherë mund të shikojmë nëse nuk është ofruar drejtësi në Shqipëri.
“Ishte një mënyrë për t’i thënë Presidentit je kryetar i sistemit gjyqësor në Shqipëri dhe vjen e qan në OKB.”, shton më pas ai. (D.D/Shuplaka)
