Hapjen e tunelit të Murrizit me 14 mars, banorët e Dibrës e kanë cilësuar një ditë historike.
Kryeministri Edi Rama ka shpërndarë disa nga opinionet e qytetarëve ku ndër të tjera shkruan se: Dhe me zërin e qytetarëve, jo vetëm të Dibrës, për Tunelin e Murrizit që na e mori shpirtin derisa e lidhëm krejt si duhej Rrugën e Arbrit, ju uroj të diel të paqtë”.
“U plotësu ëndrra shekullore e dibranëve”, tha një qytetar.
Klosi gjysmë orë është, lagje e Tiranës, Burreli 50 minuta maksimumi. Është mrekulli. I lumtë Edi Ramës”, tha një tjetër.
Ndërkohë edhe shumë qyetarë të tjerë janë shprehur se hapja e këtij tuneli shkurton 6 orë rrugë dhe çdo gjë është një kryevepër madhështore.
“Është rruga që lidh Tiranën me Dibrën, të lidh me Shqipërinë”. “Ta gëzojnë të gjithë shqiptarët dhe dibranët e Maqedonisë së Veriut”, kanë qenë disa nga komentet e tjera.
Tuneli i Murrizit nisi të ndërtohet në maj të 2019-ës dhe duhet të ishte mbyllur në prill të vitit 2022 por ka pasur ecuri të avashtë për shkak të gjeologjisë së vështirë, dhe rrëshqitjes së dherave.
Tuneli është i gjatë 3.7 kilometra dhe do të shkurtojë distancën mes Dibrës dhe Tiranës në vetëm 2 orë. Ai ka 11 dalje dhe kalimi do jetë pa pagesë. Në total Rruga e Arbrit ka 7 tunele, me gjatësi totale 8,5 km. Kjo rrugë lidh rajonet lindore dhe verilindore të Shqipërisë duke përmirësuar transportin e banorëve që jetojnë në zonat në të cilën kalon rruga. Për pak javë pritet të mbyllet edhe segmenti Maqellarë -Peshkopi.
Tuneli i Murrizit përbëhet nga dy tuba, ai i trafikut dhe ai i emergjencës. Në total Rruga e Arbrit ka 7 tunele me gjatësi totale 8,5 km. Punimet për ndërtimin e Rrugës së Arbrit prej 69 kilometrash, e përbërë nga 6 tunele dhe 4 ura, ndërsa kostoja totale e koncesionit 13 vjeçar përllogaritet në 40.3 miliardë lekë.
Discussion about this post