Është shtyrë vendimi për studentët që goditën me vezë kryeministrin Edi Rama. Seanca e mbrojtjes e rradhës është lënë për t’u zhvilluar më 20 mars.
“Veza është e butë, nuk shkakton dhimbje”, mësohet të kenë thënë studentët, duke kërkuar pafajësi për gjestin e bërë.
Më 27 shkurt, Prokuroria lexoi pretencën për fatin e 8 studentëve që gjuajtën kryeministrin Rama me vezë. Ajo kërkoi punë në interes publik.
Ky reagim i tyre erdhi pasi prej muajsh kundërshtuan me forcë reformën në arsimin e lartë, e cila sipas tyre cilësohej si një reformë klienteliste që shkatërron Universitetin Publik për të pasuruar shkollat e larta private.
Pas aktit, ata u shoqëruan në Komisariatin nr. 2 të qytetit. Studentët e ndaluar u identifikuan si: Anita Lushi, Bora Mema, Klodi I. Hoxha, Viki Cipi, Liri Kuçi Durim Jasharaj, Dardan Konjufca dhe Valton Marku.
(XH.A/SHUPLAKA)
Discussion about this post