Gazetari Artur Çani i ftuar në ‘Fax News’ ka folur mbi aktualitetin politik në vend ku çështja “Babale” apo “Xhisiela” kanë marrë vëmendjen kryesore, u shpreh se shqetësimi kryesorë i qytetarëve nuk janë tema të tilla.
Megjithatë sipas tij “Babalja” ka sjellë dy gjëra sipas tij, një pozitive dhe një negative. Çani u shpreh se fakti që për shkka të “Babales” një person që ishte i dënuar për trafik droge, Agron Xhafaj, shkoi në burg, kjo është diçka pozitive. por ana tjetër negative sipas tij është se u ndërpre vettingu në polici, pasi sipas tin nuk mudn t’i kërkohet një polici nëse ka apo jo lidhje me persona të inkriminuar kur ministri ka vëllain e tij të dënuar për trafik droge.
“Dy gjera kanë ardhur nga babalja, e mira është që një person i dënuar, u mor dhe shkoi në burg, një dënim po zbatohet, por ka një të keqe të madhe ngeli në mes reforma në polici”, tha Çani.
Ai deklaroi se e vetmja e gjë që nuk beson deri tani në çështjen “Babale” është se gjoja ai e bëri gjithë këtë për 200 mijë euro. Sipas Çanit do të mjaftonin 2 mijë euro dhe “Babalja” do të thoshte çfarëdo që t’i kërkonin.
“Për dy mijë euro “Babalja” të thotë cfarë të duash ti”, u shpreh Çani.
Duke iu referuar vendimit të Ramës për mbylljen e pikave të basteve, Çani tha se ky shtet vepron në amulli, pasi nuk ka bërë një plan të caktuar për këtë nismë, madje sipas tij njerëzit mendojnë se çfarë skenari po luhet.
“Ky është një shtet që punon në amullin, pse nuk bëhet një plan i caktuar për mbylljen e lojërave të fatit, pse menjëherë, të gjithë thonë se pse e ka bërë çfarë po luhet”, tha ai.
I pyetur në lidhje me situatën me krimin në vend, ku ditëve të fundit janë shënuar një sërë ngjarjesh të rënda, Artur Çani, duke iu referuar rastit të Matit ku Kujtim Koxha ekzekutoi 3 punonjës të bashkisë dhe plagosi një tjetër, tha se kjo është një çmenduri dhe nuk duhet të politizohet.
“Kjo është çmenduri, kufiri mes normalëve dhe jonormalëve është shumë afër në këtë vend”, tha ai.
Por duke iu referuar ngjarjes në Bllok disa ditë më para, Çani tha se kjo është një situatë krejt ndryshe pasi persona në kërkim bëjnë karshillëk në mes të Tiranës.
“Ajo ishte një ngjarje ndryshe nga të tjerat, njerëz në kërkim nga ligji, i bëjnë karshillëk ligjit, dihej që ajo ishte makina e filanit dhe dihej që ai ishte brenda i armatosur, e kuptoni që ku ka arritë. Flitet që këta paguajnë muaj për muaj kesh shefa policie që të kenë privilegje, informacione, të mos preken bizneset e tyre, që të paguash policinë është shumë e rëndë, këto janë skema të caktuara, thuhet se këta emërojnë shumë shefa komisariatesh, ko është e vështirë të verifikohet. Këmbana bie për drejtuesit kryesorë”, u shpreh Artur Çani ndër të tjera.
Intervista e plotë:
(B,H/Faxweb)
