Ish-ministri i Financave dhe Ekonomisë, Arben Ahmetaj u rikthye në qeveri ditën e sotme. Kryeministri Edi Rama i propozoi emrin e tij Presidentit të Republikës, Ilir Meta si ministër të posaçëm të Shtetit për Rindërtimin.
Në momentin që Rama mori vendimin, Ahmetaj ishte në krye të Komisionit të Ekonomisë duke drejtuar mbledhjen për miratimin e buxhetit 2020. Ai mori një telefonatë për t’i treguar për pozicionin e ri, por Ahmetaj ia mbylli shkurt duke i thënë se ishte në komision.
“Jam në komision, sa të mbaroj të marr unë”, tha Ahmetaj. Në këtë moment reagojnë anëtarët e komisionit dhe të pranishmit e tjerë duke e uruar.
Disi i nervozuar, Ahmetaj kërkoi që të ruhet qetësia dhe të ketë fokus tek buxheti i shtetit. “Do t’ju lutesha tashi se po kalojmë buxhetin e shtetit. Muhabete kot tashi”, tha Arben Ahmetaj.
(M. I./ Faxweb.al)
Discussion about this post