Bullizmi është një nga fenomenet më negative, por që është shumë i pranishëm në shkollat shqiptare.
Në një video të publikuar një ditë më parë nga JOQ, shihet qartë se si disa adoleshentë ushtrojnë dhunë mbi bashkëmoshatarin e tyre për motive ende të paqarta. Tre adoleshentët që nuk janë më shumë se 12-13-vjeçarë, rrahin bashkëmoshatarin e tyre. Njëri prej tyre e mban viktimën pas krahëve, ndërsa dy të tjerët e godasin. Një preson i katërt filmon sherrin e rëndë. Lidhur me publikimin e videos ka reaguar edhe drejtori shkollës 9-vjeçarë “Mehmet Bajraktari” i cili sqaron se konflikti mes të rinjëve ka ndodhur disa muaj më parë dhe jashtë orarit të mësimit. Sipas drejtorit të shkollës të 4-tërt minorenët e përfshirë në ngjarje janë nxënës problematik .
Drejtori i shkollës Bledar Rama shprehet se video është bërë në fund të muajit mars të vitit 2019.
“Sipas verifikimeve, video është realizuar në muajin mars. Thirrëm nxënësit dhe prindërit. Në prani të psikologut, bëmë verifikimin dhe pyetëm nxënësit një nga një dhe na rezulton se video është bërë në fund të marsit të 2019. Dhe video është bërë në shkollën e arsimit fillor dhe jo tek shkolla bëjnë mësim. Ne u njohëm me situatën dhe do të marrim masat që duhen.”
Po ashtu nga ana e policisë së Cerrikut janë kryer të gjitha veprimet e nevojshme për sqarimin e ngjarjes,nga ku burime pranë këtij komisariati konfirmojnë se paraditen e sotme minorenët janë marrë në pyetje nga ana e policisë nën praninë e psikologut dhe arsyeja e zënkës mes të rinjëve është berë konsumimi i duhanit. Materialet e kësaj çështjeje do ti kalojnë prokurorisë për veprime të mëtejshme.
Discussion about this post