Polica greke ka kapur një automjet luksoz me drogë në kufirin greko-shqiptar. Gjatë operacionit policia greke në Kostur, ka ndaluar një mjeti tip “Mercedes-Benz” ML, ngjyrë e bardhë, fuoristrade.
Policia ka kryer kontroll të imtesishëm në impiantin e gazit të mjetit. Brenda në bombol, janë gjetur dhe sekuestruar 35 pako me 31 kg 944 gram marijuanë.
Në mjetin me targa shqiptare janë gjetur dhe sekuestruar edhe 2900 euro dhe 20 mijë lekë të reja shqiptare, 3 celularë dhe 2 karta SIM. Në pranga kanë përfunduar drejtuesi i mjetit shqiptar 43 vjeç dhe bashkëshortja gjithashtu shqiptare 37 vjeçe.
