Dhjetëra njerëz janë plagosur dhe dhjetëra mijëra janë evakuuar pas një serie shpërthimesh masive në një depo të municioneve në qytetin jugor të Arys të Kazakistanit, thanë autoritetet kazake.
Shërbimi i shtypit i Ministrisë së Mbrojtjes tha se një zjarr shpërtheu në një magazinë herët në mëngjes më 24 qershor, duke shkaktuar një shpërthim masiv. Shkaku i zjarrit nuk është bërë ende I ditur.
Guvernatori i rajonit, Omirzaq Shokeev, njoftoi një gjendje të jashtëzakonshme në rajon dhe urdhëroi evakuimin e menjëhershëm të 45,000 banorëve të Arys.
Zëvendësministri i Mbrojtjes Timur Dandibaev tha më parë se zjarrfikësit po përpiqen të shuajnë një zjarr të madh të shkaktuar nga shpërthimi në depo në rajonin e Turkistanit.
Njëzet e pesë vetë, duke përfshirë pesë fëmijë, po trajtohen në një spital në kryeqytetin rajonal Shymkent, thanë zyrtarët spitalorndërkohë që mediat e huaja raportojnë se tre nga të plagosurit janë në gjendje të rëndë
Presidenti Qasym-Zhomart Toqaev ka shkruar se ai ka urdhëruar Ministrinë e Mbrojtjes, Ministrinë e Brendshme dhe autoritetet rajonale të Turkistanit për të siguruar sigurinë e popullatës lokale dhe për të hetuar shkakun e shpërthimit.
Videoja e postuar në mediat sociale tregon njerëzit që largohen nga qyteti, ndërsa dëgjohen shpërthimet si dhe shihen predha duke rënë në tokë.
(F.GJ/FAXWEB.AL)
