Në Gjykatën e Posaçme mbahet sot seanca mes Vilma Nushi dhe deputetes së PD, Albana Vokshi e paditur për shpifje.
“Sot në datën 04.04.2025, ora 11:00 am, në Gjykatën e Posaçme të Shkallës së Parë për Korrupsionin dhe Krimin e Organizuar (GJ.K.K.O), do të zhvillohet seanca e 4 (katërt) gjyqësore për vijimin e shqyrtimit të Kallëzimit Penal të paraqitur pranë kësaj gjykate nga Znj. Vilma Nushi dhe Shoqëria 3P Life Logistic sh.p.k ndaj të akuzuarës Albana Vokshi, akuzuar për veprën penale të “Shpifjes” parashikuar nga Neni 120 i Kodit Penal”, thuhet në njoftim.
Vilma Nushi dhe Shoqëria 3P Life Logistic sh.p.k, që ka fituar koncesionin e Check Up, kanë kallëzuar Albana Vokshni për veprën penale të “Shpifjes” parashikuar nga Neni 120 i Kodit Penal.
Koncensionari thotë se në 10 vite vlera e projektit është 63 milionë euro në total, dhe jo 130 milionë euro, saç ka akuzuar Vokshi.
