Virozat e stinës e ka shtuar numrin e fëmijëve të prekur nga gripi dhe sipas mjekëve pediatër, mbingarkesa e mjekëve të urgjencës pediatrike në QSUT me 450 fëmijë të vegjël në ditë në këtë situatë gripale mund të çojë në trajtimin mjekësor jo të duhur.
Sipas Dr. Bruna Shiroka, mjeke në Poliklinën nr.3 në Tiranë, “Trajtimi më i mirë bëhet nga mjeku pediatër që ka anamnezën e sëmundshmërisë, ndërsa një mjek urgjence nuk di asgjë përveç shenjave të momentit”, raporton “Top-Channel”.
Gjatë gjithë ditëve të javës, sistemi pediatrik në qendrat shëndetësore është i disponueshëm, por vihet re mosbesim i prindërve për t’i dërguar atje, që, sipas mjekëve, është perceptim i gabuar.
“Sistemi i pediatrisë duhet të përditësohet me të dhënat e reja të profesionit, me metodat e reja të trajnimit dhe vlerësimit të sëmundshmërisë pediatrike. Ndoshta prindërit kanë më shumë besim te spitali, por besueshmëria rritet te njerëzit përmes rritjes dhe ngritjes profesionale”, shton Shiroka.
Mjekët pediatër këshillojnë prindërit që sapo të konstatojnë temperaturë t’i çojnë fëmijët në urgjencë, por rekomandohet që më parë t’i çojnë për vizitë tek mjeku pediatër i qendrës së tyre shëndetësore. (A.R/SHUPLAKA)
