Analisti Mark Marku,e ka cilësuar të rrezikshëm pushtetin që ka fituar kryeministri Edi Rama në qeverinë e re, të cilën e ka të gjithën nën kontroll ashtu siç ka kërkuar.
“Kjo ide është e rrezikshme, një kryeministër që jo vetëm shpërfill opozitën por edhe institucionet e veta, i tejkalon”, u shpreh Marku.
Ndërkohë, Marku ka komentuar edhe shpalljen e këtij viti si “Viti i Skënderbeut”, duke e cilësuar këtë vetëm si propagandë të qeverisë. Këto deklarata analisti i ka bërë ndërsa ishte i ftuar në rubrikën “Opinion” në Neës 24.
“Viti i Skënderbeut normalisht është një gjë e mirë, një moment përkujtimor. Por në thelb nuk mund të jetë ky prioriteti i qeverisë. Truk propagandistik. Sa herë forcat politike ose qeveritë ndodhen në situata që nuk dinë çtë bëjnë shpikin të tilla histori.
Kujtoj 100-vjetorin e pavarësisë. Rama po thotë që do ta përmirësojë administratën sikur nuk ishte vetë në pushtet, ndërkohë që është produkt i tij. Nuk është ky prioritet i qytetarëve, certifikatat. Janë një shqetësim por nuk janë prioritet. Prioritet është papunësia, varfëria. Është një produkt, nuk mund të konsiderohet si një prioritet i qeverisë…E para është si do reformohet administrata publike, ne nuk kemi një projekt.
Kjo maxhorancë ka bërë ligjin për administratën publike me sa mbaj mend që do të thotë se administrata është reformuar sipas një ligji se nuk mund ta reformosh përmes takimeve me qytetarët. Prioritetet e mëdha që ka vendi ynë janë ekonomia, jemi një vend në krizë, me papunësi shumë të madhe, me eksod. Ky është problem edhe për vitet e ardhshme. Jemi më shumë se gjysma jashtë.
Korrupsioni duhet luftuar aty ku është. Është tek vendimmarrja, tek tenderat. Fuqia e qeverisë është e përqendruar në 2-3 ministri, se për çfarë nuk e di. A është përqendruar për të bërë më shumë punë apo për të marrë më shumë fonde kjo mbetet për t’u parë”, janë fjalët e Markut. (D.D/Shuplaka)
Discussion about this post