Gjykata e Apelit ka lënë në fuqi vendimin për dy të dënuarit lidhur me vjedhjen e 71 milionë lekëve në Bankën e Shqipërisë, skandal i dy viteve më parë.
Ardian Bitraj dhe Mimoza Bruzia u dënuan më 20 maj 2015 nga Gjykata e Tiranës. Dy të dënuarit kërkun pafajësinë në Apel pas dënimit me burg. Ardian Bitraj u dënua me 13 vite dhe 4 muaj burgim, ndërsa Mimoza Bruzia me 10 vjet si “bashkëpunëtore në vjedhje”. Dënimi me 23 vite e 4 muaj burg u vendos për të dy pas procedurës për gjykim të shkurtuar.
Vendim i formës së prerë rihap padinë civile të Bankës së Shqipërisë për lekët, pasi dy vite më parë banka kërkoi në gjykatë kthimin e shumës së vjedhur prej 713 milionë lekësh.
Lidhur me skandalin e vjedhjes së 713 milionë lekëve në thesarin e BSH-së u procedua edhe ish-Guvernatori i Shqipërisë, Ardian Fullani. Ai u lirua një vit më pas me vendim të shkallës së parë. Pafajësia e Fullanit nuk u ankimua nga Prokuroria në Gjykatën e Lartë. (XH.A/SHUPLAKA)
