Vrasja e ambasadorit rus në Ankara, Andrey Karlov, mund të çojë drejt një konflikti të armatosur mes dy shtetevedhe pse jo drejt në Lufte Botërore. Ky është opinioni i gazetës britanike Express, sipas së cilës, situata mes Rusisë dhe Turqisë nisi të përkeqësohet vitin e kaluar kur pilotët turq rrëzuan dy avionë rusë, dhe menjëherë pas kësaj Rusia zyrtare ndërpreu marrëdhëniet diplomatike me Turqinë. Por edhe në Siri, situata mes dy shteteve ka qenë mjaft e nxehtë, pasi rusët mbështesnin regjimin e Bashar Al Asad, ndërsa Turqia opozitën rebele.
I këtij mendimi duket se është edhe eksperti i sigurisë dhe çështjeve në Lindjen Mesme, Ilir Kulla.
Përmes një postimi të shkurtër në rrjetet sociale, Kulla i frikësohet një përshkallëzimi të situatës pas vrasjes së diplomatit rus në Ankara.
“Vritet ambasadori rus në Ankara. Bota gjithnjë e më pranë një lufte të madhe”, shkruan Ilir Kulla në Facebook.
Ambasadori rus, Andrey Karlov, u qëllua nga një 22-vjeçar turk teksa po fliste në një ekspozitë arti në Ankara. Ai u dërgua në spital, por nuk mundi ti mbijetonte plagëve të marra. (A.R/SHUPLAKA)
