Një tren pasagjerësh nxiti tensione të forta në marrëdhëniet gjithsesi midis Serbisë dhe Kosovës. Policë shqiptarë ndaluan në kufi trenin që kishte nisur nga Beogradi për në Mitrovicë.
Pas kësaj, sot presidenti i Serbisë, Tomislav Nikoliç kërcënoi me dërgimin e ushtrisë.
“Ne do të dërgojmë ushtrinë, për t’i mbrojtur serbët nga masakra potenciale ndaj tyre”, tha Nikoliç pas një mbledhjeje të Këshillit Kombëtar të Sigurisë.
“Po të vriten serbët, ne do të dërgojmë ushtrinë”, shtoi ai.
“Për pak shpërtheu lufta për shkak të trenit”
“Thaçi gati shpërtheu luftën për shkak të trenit”, shkruante sot gazeta qeveritare serbe “Novosti”.
“Ne dërguam një tren dhe jo tank,” u shpreh i shqetësuar kryeministri i Serbisë, Aleksandar Vuçiç të shtunën në mbrëmje.
Njësia speciale e policisë sipas tij qe afruar me armë automatike dhe me automjete të blinduara. Serbë nga rajoni i patën futur në rreth policët. Për të shmangur gjakderdhjen, ai pati urdhëruar kthimin e trenit në Beograd, tha Vuçiç.
“Ky është paralajmërimi im i fundit ndaj shqiptarëve, që të mos guxojnë të ndërmarrin sulm kundër serbëve në Kosovë”, tha politikani që vendos gjithçka në Serbi, raporton DW.
“Këtë Serbia nuk do ta lejojë”, shtoi Vuçiç.
Kosova e banuar thuajse vetëm nga shqiptarë u shkëput në 2008-ën nga Serbia. Beogradi kërkon ta rimarrë Kosovën. BE ndërmjetëson prej vitesh pa sukses të madh. (A.R/SHUPLAKA)
