Kryetari i LSDM-së, Zoran Zaev, i cili është afruar me BDI-në, ka dhënë një intervistë së fundmi për median serbe “Kurir”, ku është shprehur se nuk ka dallime mes maqedonasve dhe serbëve.
Teksa ka folur për popullin serb, ai tha: “Dëgjuam akuza se Zaevi ka pranuar ta padisë Serbinë për gjenocid. Për mua ai është populli im”. Veç kësaj kritikoi Gruevskin për votën positive për objektet fetare në Kosovë sikur t’u përkasin shqiptarëve:
“Ato nuk kanë asgjë të përbashkët me këtë. Atje është historia e Serbisë, atje është zemra e Serbisë. Ai së paku është dashur të mbetej neutral gjatë votimit për anëtarësim të Kosovës në UNESCO”, citon Kurir të ketë thënë Zaev.
Zaev, sipas “Kuririt”, Bashkimin Europian e sheh si bashkim të vendeve ballkanike.
(XH.A/SHUPLAKA)
