Është zbardhur ekpertiza mejko-ligjore e 16 vjeçarit Klejdi Gjeta që humbi jetën në Laç natën e ndërrimit të viteve. Sipas ekpertizës mjeko-ligjore në kokën e vitimës është gjetur një plumb. Mësohet se ai ka humbur jetën nga një plumb qorr që kishte ardhur në drejtim të banesës së tij. Plumbi është sekuestruar në cilësinë e provës materiale. Adoleshenti kishte hipur në tarracën e shtëpisë për të hedhur fishekzjare.
Plumbi do të analizohet për të parë nëse ka dalë nga arma që qëlluan të rinjtë që u arrestuan ditën e sotme në Kurbin. Sot u arrestuan nga policia 3 të rinj në Laç, si edhe u shpall në kërkim një tjetër person.
DETAJE:
Me datë 01.01.2018, rreth 01:00 është marrë njoftim se në Spitalin Rajonal Laç, është dërguar nga familjarët pa shenja jete, shtetasi i mitur K.Gj. 16 vjeç, banues në Sanxhak – Kurbin.
Nga veprimet e para hetimore, ka rezultuar se ky shtetas ka hipur në tarracë të shtëpisë për të plasur fishekzjarre, dhe është gjetur më pas nga familjarët në tarracë , pa shenja jete me një dëmtim në kokë.
Pritet ekspertiza mjeko – ligjore për përcaktimin e llojit të dëmtimit në kokë.
Grupi hetimor në vendngjarje, në bashkëpunim me Prokurorinë e Rrethit Gjyqësor Kurbin , po vazhdojnë hetimet për zbardhjen e plotë të rrethanave të ngjarjes.
(J.V/Faxweb)
Discussion about this post