Zbulohet kur do të ekzaminohet pajisja misterioze e Rinasit dhe akzuat që rëndojnë mbi izraelitin

Autoritetet shqiptare në Rinas kapën një paisje të ngritën dyshimtë  me bagazhet e shtetasit izraelit Yoram Frig. 

Ndonëse Frig deklaroi për autoritetet se ishte i punësuar nga një biznesmen shqiptar dhe se me pajisjen që zbulon çimkat, ka kontrolluar zyrën dhe makinën e biznesmenit, Tom Doshi, prokuroria ka ngritur dy akuza për të dhe pritet të ekzaminojë nga afër pajisjen. Sipas TV Klan  pajisja do të ekzaminohet nga ekspertët në fillim të kësaj jave.

Burime nga organi i akuzës thanë se aparatura që dyshohet se ka lidhje me çështje të përgjimit, gjendet në duart e prokurorëve dhe pritet të dërgohet në Institutin e Policisë Shkencore të hënën. 

Po  kështu ky ekspertim teknik pritet të përcaktojë në mënyrë të saktë jo vetëm funksionin, por dhe përmbajtjen e aparaturës. Për këtë qëllim prokurorët e çështjes Ndini Tavani dhe Gjergji Tako, pritet të përgatisnin një sërë pyetjesh dhe kërkësash, mbi të cilat do të operojnë ekspertët kriminialistë dhe të inxhinierisë së inovacionit në Policinë e Shtetit.

Gjatë marrjes në pyetje në prokurori, 51-vjeçari Yoram Frig, ka pranuar se valixhja që ngjalli dyshime te policia e Rinasit ishte një pajisje kompjuterike, por sipas tij, ajo është një kontrolluese dhe jo përgjuese, e cila zbulon çipat e përgjimit në ambiente të ndryshme. Poseduesi i saj, po qëndron ende në kryqytet, pasi autoritetet i bllokuan pasaportën.

Mbi izraelitin rëndiojnë dy akuza ajo e“përgjimit të jashtëligjshëm i të dhënave kompjuterike”, si edhe për “shpërdorim të detyrës”.

(J.V/Shuplaka)