Kanë dalë rezulatet e zgjedhjeve për anëtarë të kryesisë në Partinë Demokratike. Numrin më të madh të votave e ka marrë Tomor Alizoti dhe pas tij është renditur Jorida Tabaku. Rezultatet i njoftoi Jemin Gjana, kryetari i komisionit zgjedhor në PD.
“Nga 355 anëtarë të këshillit Kombëtar kanë marrë pjesë në votim 328, nga këto fletë votimi në kuti janë 328. Nga këto fletë votimi të pavlefshme janë 18.”- u shpreh Gjana.
Në bazë të rezultateve 15 fituesit në rend alfabetik janë:
Dhurata Çupi
Endri Hasa
Enkelejd Alibeaj
Enno Bozdo
Fatbardh Kadilli
Flamur Noka
Florian Mima
Grida Duma
Izmira Ulqinaku
Jamarbër Malltezi
Jorida Tabaku
Grida Duma
Kreshnik Çollaku
Oerd Bylykbashi
Orjola Pampuri
Tomor Alizoti
“Bazuar në nenin 9 pika 5 e statutit që detyron zgjedhjen në këtë përbërje të kryesisë me 15 anëtarë, në mënyrë të detyruar, 30% e këtij numri duhet të jenë femra.
Kemi qenë të detyruar nga pikpamja statutore nga renditja e numrit të votave të marra të largohen nga kjo renditje Ervin Salianji, Aldo Bumçi, Roland Bejko, Gerti Bogdani dhe Luciano Boçi që kanë rezultuar me vota të barabarta.
Kjo zhvendosje e këtyre emrave, futen 4 femra që bazuar në numrin e votave që kishin nuk kanë hyrë në 15 me këtë renditje, përjashto Jorida Tabakun, e cila ka hyre automatikisht në numrin e votave që kishte. Kështu janë futur dhe 4 femra të tjera: Dhurata Çupi, Grida Duma, Orjola Pampuri dhe Izmira Ulqinaku.”– u shpreh Gjana.
“Ky ndryshim është bërë në zbatim të statusit”, tha Gjana.
“Natyrisht procesi ka qenë i hapur, të dhënat e dokumentuara janë të dhëna të klasifikuara që janë dorëzuar në arkivën e partisë me përfundimin e procesit. Janë të firmosura dhe të vulosura nga anëtarët e komisionit dhe në çdo rast ankimimi nga kushdo, gjykata e partisë ka të drejtën statutore të hapë dhe të bëjë rinumërim për cilindo që kërkon”, përfundoi kryetari i komisionit zgjedhor në PD.
(M.Q/Faxweb.al)
