Klubi i Vllaznisë ka njoftuar rikthimin në pankinën e saj të futbollistit Brazilian Silvio Rodriguez Pereira Junior.
Mësohet se lojtari ka pranuar marrëveshjen për t’u rikthyer sërish tek Vllaznia ndërkohë që pasditen e sotme ka hedhur edhe firmën në kontratë për një periudhë një vjeçare.
Njoftimi i klubit kuqeblu:
KF Vllaznia ka kënaqësinë të njoftojë rikthimin në skuadër të sulmuesit brazilian Silvio Rodriguez Pereira Junior. Ky i fundit siç e dini, ka qenë pjesë e skuadrës kuqebluve gjatë sezonit të kaluar teksa dha kontributin e tij për rikthimin e skuadrës tonë në Superligë. Ndërkohë ditët e fundit, drejtuesit e klubit i kanë bërë ofertën atij për t’u rikthyer sërish tek Vllaznia dhe lojtari e ka pranuar atë ndërkohë që pasditen e sotme ka hedhur edhe firmën në kontratë.
Junior do të jetë pjesë e klubit tonë për një periudhë njëvjeçare dhe shpresojmë që me ardhjen edhe të tij, skuadra të ketë zgjidhur përfundimisht problemin e mungesës së golit. Mirë se erdhe sërish në Shkodër, Silvio!
(F.GJ/FAXWEB.AL)