Deputetja e PD Ina Zhupa në Kominsionin e Medias ka ngritur si problem çështjet të cilat janë shtyrë por nuk janë në kalendar duke thënë se duhet të jenë pjesë e tij. Zhupa e ka kërkuar këtë pasi ka përmendur dhe nga e kaluara raste kur janë zhdukur gjëra si rasti i dekretit të presidentit që kanë kaluar tre vite dhe është harruar të dalë në seancë.
Ndërkohë asaj i është përgjigjur deputetja Flutura Açka e cila ka thënë se është diskutuar për seancën e presidentit dhe do hiqet nga parlamenti por është në procedurë. Açka thotë gjithashtu që shpresojmë mos të kthehet përsëri si kukudh.
Zhupa: Nuk mora përgjigje në lidhje me çështjet të cilat duhet të ishin në kalendar dhe nuk janë. Janë shtyrë për janar dhe nuk janë vënë në kalendar, duheshin vënë dhe ato që janë shtyrë pasi jemi ne që i kemi shtyrë, të paktën të dimë se janë pjesë e kalendarit. Ketu vjen një moment dhe zhduken gjërat. Jemi një vend që dekretin e Presidentit, ka kthyer dekret presidenti për rrëzimin e ligjit të mediave dhe ne akoma s’e kemi nxjerrrë në seancë dhe harrojmë ta nxjerrim. Ka ikur presidenti kjo ka tre vite sepse kështu jemi ne, kështu i zhdukni ju gjërat nuk çoni kërkesa, vjen momenti thoni ska qenë te letra, nuk e pashë. Ju lutem zbatoni rregulloren.
Açka: Për dekretin e presidentit është diskutuar në seancën e fundit të kryetarëve, natyrisht është hequr nga diskutimi, do hiqet nga parlamenti por është në procedurë. Shpresojmë të mos na kthehet si kukudh prapë, por gjithsesi jemi të kujdesshëm.
Discussion about this post