Në Pukë një masiv pyjor në Munellë është përfshirë nga flakët. Mësohet se zjarri po përhapet me shpejtësi në pyje, pasi favorizohet nga era. Si pasojë e flakëve të zjarrit rrezikohen pyjet me pisha të Munellës që njihet si streha e rrëqebullit të Ballkanit.
Edhe zjarrfikëset janë nisur drejt vatrës së zjarrit por terreni është i vështirë dhe pengon që ato të shkojnë në vendngjarje.
Kreu i bashkisë Pukës Astrit Kuci kërkon ndërhyrje nga ajri.
“Zjarri është me përmasa të mëdha dhe po përhapet me shpejtësi. Kërkojmë ndërhyrje nga ajri për fikje”- tha Kuci. Nuk dihen ende shkaqet dhe motivet e zjarrit. (J.V/Shuplaka)
Discussion about this post