Mbrëmjen e djeshme rreth orës 22:00 në pyjet në jug të Zvicrës, në Misox të Graubündenit dhe Leventina të Tiçinos kanë shpërthyer zjarre të fuqishme. Sipas mediave zviceriane dhe njoftimit të policisë të Graubündenit rreth orës 22:00 një hapësirë prej 400 metrash gjerësi dhe 700 metrash gjatësi ishte e përfshirë nga zjarri.
Për të shuar zjarrin dhe për të parandaluar zgjerimin e tij ishin mobilizuar zjarrfikësja dhe forca të tjera të shpëtimit. Për shkaqe sigurie, është dashur të bllokoheshin përkohësisht rrugët automobilistike A13 dhe H13. Ato nga ora 19.30 janë të bllokuara tërësisht edhe për shkak të rrezikut nga rrëshqitja e gurëve. Sipas mediave zviceriane nuk ka asnjë të lënduar si pasojë e këtij zjarri.
Por, për shkak të erës që frynte, zjarri mund të përhapej edhe më shumë, kështu që në orët e vona të natës, po vazhdonin punët për shuarjen dhe izolimin e zjarrit. Mbetet i panjohur shkaku i shpërthimit të zjarrit. (E.K/SHUPLAKA)
