Zvicra ka bërë me dije se ka mbyllur përkohësisht ambasadën e saj në Teheran për shkak të përshkallëzimit të përleshjeve mes Izraelit dhe Iranit. Të gjithë punonjësit diplomatikë janë evakuuar me sukses dhe ndodhen jashtë rrezikut.
“Për shkak të situatës së tensionuar në Iran, Zvicra ka vendosur të mbyllë përkohësisht ambasadën në Teheran. Stafi është evakuuar dhe është në gjendje të sigurt,” njoftoi Departamenti Federal Zviceran i Punëve të Jashtme (FDFA).
Përplasjet nisën të premten e kaluar, kur Izraeli ndërmori sulme ajrore ndaj objektivave iraniane, përfshirë impiante ushtarake dhe bërthamore. Irani reagoi menjëherë me raketa të lëshuara drejt territorit izraelit.
