Edhe maestro Zhani Ciko ka reaguar pas humbjes në moshën 67-vjeçare të kantautorit Françesk Radi, i cili pas disa ditësh në spital nuk ia doli të jetonte.
“Nuk guxova ta shihja. E mora vesh gjendjen e tij. Ishim parë në ambientet e shtëpisë dhe ishim shkëmbyer në shëtitjet e mëngjesit. Më ra si bombë. E kam përjetuar edhe me kolegë të tjerë atë sëmundje dhe nuk mora guximin të shkoja. E lashë Teftën me njerëzit e saj në pritje të një mrekullie. U ndjeva shumë keq kur mora vesh lajmin e ndarjes së tij. Françesk Radi dallohej për individualitetin e tij. Ai hipi në podiumin e muzikës së asaj kohe duke sjellë një notë të re. Një djalë i ndrojtur fillimisht. E karakterizonte modestia por ishte një njeri me karakter, siç e kanë pasur familjarisht. Radi solli një mënyrë tjetër të tregimit të këngës. Ai e konsideronte muzikën e lehtë si një mënyrë shprehjeje të veçantë, si një mënyrë afrimi të spektatorit me festivalin. Edhe në takimet e fundit . Dhimbja për Fracesk Radin është njerëzore e artistike”, rrëfeu Zhani Ciko, për News 24.
Françesk Radi është ndarë nga jeta në moshën 67-vjeçare këngëtari Françesk Radi. Radi ka ndërruar jetë orës 15:30 të ditës së sotme. Vetëm pak ditë më parë ai u shtrua me urgjencë në QSUT dhe ndodhej në reanimacion në gjendje shumë të rëndë shëndetësore për shkak të një hemorragjie. (J.V/Shuplaka)
Discussion about this post