Në prag fushate, vetëm disa ditë para se të zhvillohen zgjedhjet vendore, në Tiranë do të përurohen disa nga projektet më të mëdha të Bashkisë.
Veliaj ka deklaruar se në datën 17 qershor do të hapet segmenti . “Në segmentin e dytë ne vazhdojmë të jemi një kantier, por hapja e segmentit të parë i mundëson që gjithë ato hapësira të lulishteve, të korsive të biçikletave dhe të vrapuesve të mund të aksesoren nga qytetarët, por mbi të gjitha të aksesoret parkingu nëntokësor nëpërmjet bulevardit, tek zona e Stacionit të Trenit e cila çliron dhe një pjesë të trafikut dhe problematikave në atë zonë”, theksoi kreu i Bashkisë.
Po kështu edhe në datën 4 qershor do të hapet parku Olimpik në Tiranës.
“Në datën 4 qershor ne do të hapim Parkun Olimpik të Tiranës. Në fakt dy qendra, ajo “Mirian Hakani” i peshëngritjes dhe mundjes dhe qendra tjetër e lojërave me dorë “Feti Borova” gjithashtu do të emërtohen sot nga ky Këshilli dhe qendra zyrtarisht do të hapet në 4 qershor, ditën e diel”, është shprehur Veliaj.
Ndërsa në datën 10 qershor pasdite do të hapet edhe sheshi “Skënderbej”, “Pjesa qendrore e sheshit, ndërkohë që në 11 lulishte tematike do të vazhdojmë të punojmë plus edhe me disa projekte shtesë që do t’i bashkëngjiten sheshit, stacioni i autobusëve dhe gjëra të kësaj natyre. Por në datën 10 qershor pasdite ne do të bëjmë hapjen ceremoniale të sheshit “Skënderbej””, tha Veliaj. (J.V/Shuplaka)
Discussion about this post