Shpallja ‘non grata’ e Doshit dhe Llallës në SHBA, Rama: Jam shumë i keqardhur

Kryeministri Edi Rama gjatë një interviste në Real Story ka shprehur keqardhjen për shpalljen ‘non grata’ të ish-kryeprokurorit Adriatik Llalla dhe deputetit, dikur socialist Tom Doshi nga SHBA-të. Rama u shpreh se ishte i surprizuar nga vendimi i DASH dhe se nuk ka informacion.

“Me thënë të drejtën u surprizova dhe jam i keqardhur, s’kam çfarë them më shumë se s’kam as informacion për këtë, jam shumë i keqardhur por…”, u shpreh Kryeministri Rama.

Në lidhje me ish-Prokurorin e Përgjithshëm Adriatik Llalla, Rama tha se nuk i vjen mirë sepse ka qenë ish-kryeprokuror i Republikës.

“I keqardhur, të njëjtën gjë kam. Natyrisht nëse ndodh një gjë e tillë s’mund të të vijë mirë se ka qenë ish kryeprokuror i Republikës”, tha Rama.

(M.Q/Faxweb)