Një ngjarje e rëndë raportohet të jetë në zhvillim në Vlorë, pasi ka dyshime që mund të jetë vendosur lëndë plasëse pranë godinës së Gjykatës.
Fillimisht u dyshua se objektiv ishte një zyrë avokatie dhe noteri, por më pas hetimet u shtrinë dhe tek pronari i godinës ku u gjet lënda shpërthyese.
Policia ka shoqëruar disa persona, mes tyre dhe pronarin e ndërtesës ku operojnë bizneset A.Bajramaj.
Pakoja e zezë e vendosur në sheshpushimin e bizneseve dyshohet të jetë e lidhur me telekomandë, për shpërthim në distancë.
Policia ka rrethuar të gjithë zonën dhe ka vendosur perimetër sigurie, duke ndaluar dhe qarkullimin e mjeteve rreth zonës.
Pritet mbërritja e forcave xheniere për të shpërthyer pakon.
Njoftimi i policisë:
Sot rreth orës 14:14, në lagjen “Hajro Çakërri” në Vlorë, në derën e një zyre ligjore është gjetur një objekt ku brenda tij dyshohet të ketë lëndë plasëse.
Grupi hetimor po punon për sqarimin e rrethanave të ngjarjes. Priten forcat e posaçme xheniere në lidhje me vijimësinë e veprimeve.
(E.K/FAXWEB.AL)
Discussion about this post