Derbi Tirana – Partizani përfundon në paqe, s’ka fitues në “Selman Stërmasi”

Nuk ka fitues në “Selman Stërmasi”. Derbi i kryeqytetit ka përfunduar në shifrat e bardha 0-0 mes Tiranës dhe Partizanit. Një sfidë që startoi mbrëmjen e djeshme në 18:00 por që për shkak të një incidenti të energjisë elektrike që mungoi në stadium, detryoi drejtuesit e klubeve dhe arbitrin e ndeshjes Lorenc Jeminin të vazhdonte ndeshjen ditën e sotme.

Në 30 minutat e zhvilluara sot asnjëra prej skuadrave nuk arriti të marrë avantazhin duke e mbyllur sfidën në paqe pa gola.
Bardheblutë e Josës ishin pothuajse gjatë gjithë lojës në presion nga të kuqtë e Starovës por pa arritur të finalizojë aksionet e realizuara.